بسم الله الرحمن الرحيم
يسعدنى انى اكتب اليكم اخر ما توصل الية قلمى المتواضع فى هذا القسم وهذا القسم تم انشاة على ان يقوم الاعضاء بمناقشة جميع القضايا باسلوب ساخر دون التجريح فى احد يعنى بالبلدى كدة شغل نواصى ودة مستمد منو اسم القسم هنقول كل اللى فى نفسنا برحتنآ .
فى يوم من الايام كنت واقف على الناصية كدة ومزاجى حلو لقيت الست ستوتة بتندة عليا الست ستوتة دى بقا بركة المنطقة كلها وكل الناس بتحبها هيا قاعدة بفرن سمك كدة لكن اية متابعة ياخونا كل حاجة وكل اخبار بتبقة مولعة الفرن وجمها الاب توب بتعها حاجة سبيشيل خالص المهم ندهت عليا يا واد يا عمرو تعالى قلتلها نعم يا ست ستوتة قالتلى شوفت اللى حصل قولتلها اية اللى حصل ؟؟ قالتلى فى ازمة فى الحشيش فى البلد وسهم الخابور ارتفع فى الغرزة قولتلها معقول يا ستوتة انا اسمع عن ازمة السولار ازمة انبوبة البوتجاز ازمة رغيف العيش لكن اسمع عن ازمة الحشيش لا جديدة دى !!
قالتلى وحيات دة حصل وكمان انا فاتحة البل بوت تقصد يعنى ( اللاب توب ) وعمالة متابعة اهو قولتلها طيب يا ستوتة يعنى بجد حاجة غريبة يعنى الشباب كدة كدة ضايع لا وظيفة ولا تعليم ولا اى حاجة حتى مش عارفين يتكيفو . على راى عادل امام لا عرافين نتعلم ولا نتكيف فى البلد دى !! المهم سرحت كدة بخيالى شوية وقولت دى مصيبة ازى يعلنو عن حاجة زى دى بكرة يحصل مظاهرات من العيال المدمنة والعيال الضريبة هيعملو وقفات احتجاجية عن مجلس الشعب مش معقولة ؟ انا طول عمرى بشوف الناس اللى مثلا شركاتهم هتتخصخص او معاشات او مش بيبقضو رواتبهم يانهار ابيض يا جدعان هيا بقت كدة طيب العيب فى مين مش عارف ؟؟ طيب الحل اية مش عارف برضو؟؟ يعنى الدولة مش مريحة لا المسطول ولا اللى فايق !!!!! قولت طيب مهو بدل الهيافة دى منشوف حالنا والناس اللى مرمية وبتعمل اعتصمات دى ونحل مشاكلهم احسن ما نعلن عن فضيحة زى دى
انا اتعودت فى البلد دى ان كل حاجة بتعمل بتكون محسوبة ياترى اية اللى مستخبى مش عارف ؟؟ عاوز اعرف رايكم فى الكلام دة اية ؟ لية بنعمل قيمة للى يسوى واللى ميسواش؟؟
عاوزين نناقش الموضوع ونشوف نعمل اية فى المصيبة دى
ملحوظة ( الست ستوتة من وحى خيالى )
بقلمى ( وآحــــد مــن آلــــنـــآس )
الجمعة أبريل 09, 2010 1:17 pm
